2021ean berriz eskuragarri
Coasteering Ibilbideak Urdaibaien
AUSARTU KOSTALDEAREN HIRUGARREN DIMENTSIOA EZAGUTZERA
Kostaldetik egiten den ibilbide mota bat da Coastering-a. Jarduera honetan edozein motatako oztopoak gainditu beharra dago: eskalatu edo deseskalatu behar diren zati laburrak, itsasora jauziak, igeri pasatu behar diren zonaldeak… Coasteering ibilbideek zailtasun maila ezberdinak dituzte, itsasoaren egoeraren edo jarduera egiten den sasoiaren arabera.
Ingurugiroaz dugun ezaguera eta jarduera fisikoa konbinatzen dituen ekintza bat da, beti ere parte-hartzaileen arabera moldatuz konbinazio honen mailak. Talde bakoitzari dagokion zailtasun hautatuz, parte-hartzaileen perfil zabal bati zuzenduta dago: Helduak, gazte taldeak, ikasle taldeak, familiak…
Ibilbide desberdinak dauzkagu aukera, zailtasun eta iraupen ezberdinekin, gure kostaldeaz gozatzeko ikuspuntu guztiz berri batetatik, dibertsioa eta kirola batzen dituen jarduera batetan.
Lea Artibaiko eskualdean ere ibilbide hauek egiteko aukera dago.
Ezagutu eta gozatu kostaldeko leku ezkutuenekin.
LEKUA | KOKAPENA
Laga eta Laida hondartzen arteko kostaldea
Lekeitio eta Mendexa arteko kostaldea
HASIERA PUNTUA
UR Urdaibairen ekintza zentrua, Laidako kanpinaren alboan (Arketa)
Ur Lekeitioren Instalazioak
DENBORALDIA | DATAK
Apirila – Urria
NORI ZUZENDUA
Taldeak, kolektiboak, kuadrilak, asoziazioak, enpresen ekintzak, ikasle taldeak, ikasbidaiak, familiak …
BALDINTZAK
Igeri egiten jakitea. Eremu irregularretatik iraupen moderatuko ibilbide bati aurre egiteko baldintza fisikoa
NORBERAK EKARRI BEHARREKOA:
Zoru gogorreko oinetakoak, bainujantzia eta eskuohiala
2 aukera jarduera hau egiteko
AUKERATU ZURE COASTEERING-A
Coasteering Urdaibaien
Coasteering Urdaibaien: Laidako hondartza-Lagako hondartza
Laida eta Lagako hondartzen artean egiten den Coasteering ibilbidea, Urdaibaiko Biosferaren Erreserban egin daitezkeenen artean politenetako bat da seguraski. Uraren mailatik, eremu hau hain berezi egiten duten elementuak ikusi ahalko ditugu: Mundakako olatu mitikoa, Izaroko irla edo Ogoñoko lurmuturra.
Bi hondartza hauen artean egiten den Coasteering ibilbide honek, sarbide ezberdinak dituzten baliabide ugari eskaintzen dizkigu ibilbidea segurtasun osoz aurrera eraman ahal izateko. Oinezko zatiak, jauziak, igeriko atalak eta eskalatu beharreko hormek naturaz gozatzeko aukera ematen digute ur-ertzean bertan. Turismo aktiboaren eta natur ingurunean egiten diren jardueren artean nobedadea izaten ari da Coasteering-a.
Coasteering Lekeition
Coasteering Lekeition: Karraspioko hondartza – Gaztainape – Karraspioko hondartza
Coasteering ibilbide ezin hobea jarduera honetan lehen pausuak emateko, Karraspioko hondartzan hasiera eta bukatuz. Karraspioko hareek ematen dioten hasiera ibilbideari eta ere progresiboan konbinatzen joango dira harrokazko estratu horizontalak eta hareazko hondoak. Bidaia honek “Artzabal” izeneko lekura eramango gaitu, non hartzaitz leun eta inklinatu handi honek aukera ematen digun kostaldea ikuspuntu berezi batetik ikusteko.
Jauziekin jarraituko dugu ibilbidea eta zailtasun gabeko eskalada zati batzuei aurre egin ostean “Gaztainape” badiara iritsiko gara. Haitzuloak, “harroken kaosak” eta beste leku izkutu batzuk mirestu ostean, itzulerari ekingo diogu. Bueltako bidean zati akuatiko aktiboenak berriz egiteko aprobetxatuko dugu, erronka berriak aurkitu eta batez ere, paisaia honek eskaintzen dizkigun txoko aberatsetaz gozatu Lea Artibaiko kostaldean.